Diadomingo den oranan di anochi a pidi presencia di Polis na e Beach dilanti Hotel High Rise. Ora cu Polis a yega a topa cu un dama sea bebi of droga. E no por a comunica.
Ora cu e Polisnan a yega a constata cu e dama no conoce esnan cu ta presente. Un grupo cu tabata ruim op despues di un actividad ta esun cu a bati alarma. Nan no conoce dama y e dama no por a comunica pa bisa su nomber y tampoco unda e ta biba.
E tabata na tino pero no por comunica. A pensa hasta cu e ta intoxica y pesey a pidi pa ambulance. Ambulance a presenta y paramediconan a mira su situacion. Mientras cu Polis y Ambulance tabata bezig a yega un persona cu conoce e dama. El a splica Polis cu e sa unda e ta biba. Esey a trece un alivio.
E persona a bay cu e dama y Polisnan tambe a bay hunto cu nan pa garantiza cu e ta yega na e adres corecto sano y salvo. Finalmente despues cu a mira cu e dama a ser hiba den e cas na Cunucu Abou, Polisnan nan trabou a termina. Dicon e dama tabata asina y unda e lo a bebe of usa substancianan asina no ta conoci.
