E conferencia grandi di iglesia cristian cu a tuma luga den fin di siman tabata pa recorda e crucificacion y Resureccion di Cristo Hesus. E tabata un bon momento pa recorda e punto importante aki den Biblia, cu ta un bon noticia. E Fe ta basa riba e echo cu el a lanta for di morto. Esaki tabata importante pa ilustra den e eventonan cu a organisa den fin di siman y cu a finalisa cu un concierto grandi di Musico a Musico, den cual a participa 22 musico profesional Cristian di rond mundo.
Riba Pasco Grandi centro di ciudad tabata aglomera pa e concierto di Musico a Musico, organisa pa Iglesianan Cristian di Aruba. E conferencia a inclui tayernan di arte y a finalisa e evento cu e concierto grandi cu oracion pa Aruba y Alabansa na Dios. Tabatin 14 Iglesia cu a participa y 115 studiante cu a disfruta di e tayernan.
E dianan prome cu e concierto riba Plaza Padu (construi na 2017), varios iglesia Cristian a bini hunto pa celebra Resureccion di Cristo Hesus di un bunita forma, alabando y cantando.
Frank Daal di Good Samaratin Christian Center a bisa cu riba un dia asina Hesus a lanta victorioso for di morto y esnan cu pone confiansa den djE tin bida eterno. A base di esaki ta haya idea y inspiracion di Hesus pa expresa Evangelio den e forma aki.
Pa duna Dios danki a habri e ceremonia cu un desfile di miembronan di scout, incluso muchanan special. “Dios ta respeta e nacionnan. Aruba ta multicultural … P’esey pa nos tabata importante pa e himno di Aruba, pa laga e scoutnan, haci nan desfile.”
