E ta zona ironico, pero asina ta! Keto bay e victimanan di e candela grandi cu a cuminsa na Witec-El Louvre y bay caba te na Antraco, ta luchando den corte pa compensacion. Esun ta acusa e otro di e candela cu a laga daño material di miyones atras, sin lubida daño emocional, entre otro perdida di un baby den barica. Tur pa un candela cu a cuminsa pa eror cu un forklift den warehouse di Witec.
Tabata dialuna dia 19 di maart 2012, net dies aña pasa, pa mas of menos 3:00 pm cu a bati alarma pa un candela den warehouse di Witec-El Louvre situa den Arendstraat. Pero e candela a cana asina lihe, a desaroya, crece y a pasa di un edificio pa e otro, causando un poco daño na e murayanan di Oranjestad Laundry, pero a logra kima un parti grandi di e warehouse y edificio di Antraco Aruba.
Pa awo ta determina cu e candela a cuminsa na Witec. Pero Antraco kier pa nan cubri e perdida cu nan a sufri debi na e candela grandi aki, cu a afecta henter nan negoshi. “Tabata un dia duro pa nos”, asina Robert Croes II, director di Antraco a cuminsa na bisa. Pa e relato completo, lesa e edicion di TREMPAN di dialuna awo.
