Wit Gele Kruis a tene nan rueda di prensa y aki a indica cu awe ta un dia hopi special pa nan, pero e fecha mes ta dia 22 di mei. E dia aki Praktijkondersteuner Huisartsenzorg (POH) ta celebra nan dia mundialmente y oficialmente na juli nan ta cumpli dies aña.
Gino Goeloe, director di Wit Gele Kruis, a indica cu diasabra awo ta bay tin un evento, aki ta bay check tanto presion como sucu y mas. POH ta importante pa comunidad sa cu esaki a cuminsa na 2012 cu deliberacion entre HAVA, AZV y Wit Gele Kruis. A bin ripara cu e pashentnan mester mas tempo na e dokternan di cas. A ripara cu e dokternan di cas ta mas yen y no tin e manera pa guia e pashentnan cronico cu diabetes y tambe di persona cu ta sufri di presion halto. E dokternan di HAVA di e tempo ey, tabata esunnan cu a kere den e proyecto aki. Tambe tabatin dos dokter di cas cu a yuda den e proyecto aki y den nan tempo liber riba diabierna, a duna e prome tres POH les na Wit Gele Kruis.
E director a indica cu aki tin problema di sucu y presion halto. Esey ta algo di basta aña caba y nan ta luchando cu esaki, incluso e praktijkondersteuner ta lucha riba esey cu nan mesun pashent. Tin biaha ta haya pashent motiva y otro cu no ta motiva pa tende, nan no kier bebe remedi, no kier tuma esey. Pero e praktijk t’ey pa cada pashent.
Jasmira Mora, coordinador na Praktijkondersteuner Huisartsenzorg (POH), a bisa cu nan a bini hunto pa asina celebra dies aña di existencia di POH cual lo ta na juli, pero dia 22 di mei ta dia internacional di Praktijkondersteuner, a dicidi di haci un celebracion riba e dia aki. E ta algo hopi special, ta nan di dos lustro y e POHnan a traha duro den e dies añanan aki. Asina ey nan por a desaroya nan mes y yuda pueblo di Aruba.
Pa e motibo aki diasabra, 21 di mei, nan ta organisa e actividad di controla salud. Esaki ta tuma luga na Club Kibrahacha 60+. Aki nan lo haci chekeo di presion, sucu, peso y circunferencia di bariga. Ta bay tuma tur midi y duna informacion riba diabetes. POH ta purba di ta creativo, lo bay haci un show pa splica con e sucu ta hinca den otro.
Pa mas lesa TREMPAN.COM.
