Tur aña riba dia 8 di maart mundo henter ta celebra Dia Internacional di Hende Muhe. Riba e dia tan special aki e obhetivo ta pa enfoca riba un mundo igual p’e hende muhenan.
Den cuadro di esaki, Centro pa Desaroyo di Hende Muher a tene un conferencia di prensa den cual nan ta invita pueblo di Aruba henter pa celebra e dia aki. P’e aña aki a opta pa celebra esaki den otro manera, a pasa den e barionan p’asina celebra cu e hende muhenan den pueblo.
Asina Miangela Ras, representante pa Centro pa Desaroyo di Hende Muher a splica cu nan a uni forsa cu HIAS (Hebrew Inmigrant Aid Society) y FCVR (Fundacion Contra Violencia Relacional) pa asina demostra tambe cu union ta haci forsa y asina a organisa un feria dia 6 di maart pa 10:00 am na Centro di Bario Dakota.
Cu esaki kier demostra e forsa di e hende muhe, e resiliencia di e hende muhe cu a sali for di un pandemia den cual e tabata esun mas vulnerabel ya cu e hende muhe mester a percura pa su hogar keda bon den e crisis.
Pa un relato mas amplio lesa edicion di TREMPAN.
