Diabierna awo, 9 di september, lo tin otro Rosario Bibo na kapel di Alto Vista pa 7:30 di anochi.
Na e ocasion aki cada persona por presenta nan intencion personal pa hunto resa pa e peticion haya oido cerca Papa Dios.
Lo resa pa tur enfermo na cas of na hospital pa nan haya sanacion na alma y na curpa. Y pa esunnan cu lo tin cu bandona nos, pa nan conforma cu boluntad di Señor.
Lo resa pa tur hende cu tin cu traha pa gana nan pan di cada dia pa nan famia, pa nos hobennan na scol, pa e maestronan y pa tur e mayornan cu tin e tarea pa guia nan yiunan.
No perde speransa, Dios no ta duna nos un cruz cu nos no por carga. E cruz por ta pisa, pero cu fe y speransa cada un lo sa di vence tur obstaculo den bida.
Den nos oracionnan nos no mester pidi fabornan solamente, pero mester gradici Señor cu e ta regala nos un dia mas pa disfruta di su creacion.
Un y tur ta keda invita pa asisti na otro Rosario Bibo, diabierna 9 di september pa 7:30 di anochi na Kapel di Alto Vista.
