Enseñansa ta algo serio y e docentenan di Emmaschool no ta acepta e mudamento di Scol Paso pa Futuro. Nan ta pensa cu sigur esaki lo bira caotico. Esaki ta por lo menos un di e puntonan trata durante di un reunion cu caracter di urgencia entre Sindicato di Maestro (Simar) y e docentenan di Emmaschool.
Den un carta oficial e minister encarga cu enseñansa a indica di no lo para mudamento di scol. A logra para e fuseering, pero no tin claridad riba mudamento.
Segun Josephine Albertus, siman pasa a entrega manifiesto hunto cu maestronan di Emmaschool y a pone deadline ayera pa un contesta. A haya un app, bisando cu fuseering no ta bay door, riba indicacion di un carta di prome minister.
No a cambia nada, segun Albertus, awo cos ta bay bira mas dificil, pasobra den un edificio ta bay tin dos diferente scol, haciendo e asunto mas confuso pa e muchanan, sin conta e mayornan mes. E alumnonan tin derecho riba enseñansa di calidad y mester pone tur cos necesario pa nan por funciona den comunidad.
Si kier hinca dos scol den uno, no lo hisa calidad, segun Magaly Brito di sindicato SEPPA. Dos scol grandi den un luga chikito, no lo promove e mesun calidad di enseñansa cu nan ta custuma cu ne. Pakico e mucha normalmente su luga of scol tabata na Playa, awo tin cu bay Ayo? Na caminda por bay mira menos mucha ta bay haya acceso na enseñansa special.
Tur esaki tin di haber cu un maneho. E minister tin su responsabilidad, pero no por ta asina cu pasobra e tin esey, e tin carta blanco pa haci y deshaci cu tur consecuencia. Esey ta loke tin para.