Un trabou cu un bisiña a bay haci pa deshaci di algun material a causa daño na e cas na banda. Un parti di e cas (ariba) a bay completamente perdi.
Un poco despues di 11:30 AM por a scucha hopi alarma den area di San Nicolas. Tabata trata di dos unidad bomberil bayendo pa un melding di candela. Personanan cu tabata pisca na baranca por a mira prome vlam y despues huma for di leu. A resulta cu un cas na Weg Seroe Blanco tabata na candela.
Ta trata di un cas di dos piso di cual esun abou ta di concreet y ariba di palo. E motibo di candela ta e habitante di cas Weg Sero Blanco 24B tabata kima un monton di palet y a consecuencia di e biento duro, e candela di e palet a expande y a pega e di dos piso (di palo) na candela.
No tabatin ningun herido pero si nan a pasa den hopi susto. Personal di Cuerpo di Bombero a yega rapido pero no por a salba e parti ariba cu ta palo. Elmar tambe a yega na e sitio pa asina desconecta conexion di coriente pa preveni mas daño.
Un BMW color blanco por poco tambe a pega candela pero danki Dios esaki no a sosede. Cuerpo di Bombero a controla e situacion y evita cu mas cas ta sufri da८o. Kisas e solo y calor tambe a hunga rol grandi.
Danki na e bisiña otro banda cu bon curason a core cumpra ijs y pone un jug cu awa pa e Bomberonan.
