Diahuebs pa mas of menos 2:30PM, a sosode un incidente no mucho bon na Warda di Polis di Shaba. Aki un detenido a purba di pone fin na su bida.
E agentenan policial a bay haci un control den e celnan y a bin topa e detenido na un forma malo. Despues cu nan a check e persona, di biaha a pidi asistencia di ambulance. E paramediconan a yega na Shaba y di biaha a bay over na atende e persona. Despues cu nan a logra stabilisa e detenido, e paramediconan a bandona sitio.
B.F.T.O. tambe a presenta na e sitio, unda cu nan a cuminsa haci nan investigacion necesario. Agentenan policial mes a transporta e detenido masculino pa hospital pa un checkeo medico.
