A pidi diferente unidad di polis pa bin atende cu un persona cu a lanta cu tur hende den cas ‘un biaha mas’. Ta trata di e mes un persona cu tin su tata su bida den un boter.
Esaki a sosode den careda di 4:40 pm den Flacciusstraat, Playa. Na yegada di polis, e persona aki a sali na careda for di e cas. El a bula cura di diferente cas di bisiña y polis su tras.
A papia cu persona na e cas, tuma dato y despues a sali den area den buskeda di e persona aki. No sa si e ta riba cualkier substancia, pero muy probablemente esey lo ta e caso.
![](https://24ora.com/wp-content/uploads/2023/12/IMG_6676-1920x1080.jpg)
No a tarda mucho cu polis a bin topa cu ne den e parti pa tras di su cas, como cu el a regresa eybanda. A pon’e e persona aki bula e cura bek y asina pidi transporte pa hib’e un warda di polis.