Diasabra den ora di merdia polis a presenta na un adres den Sero Pita p’un problema cu persona agresivo. E persona aki tabata causa problema na cas.
E patruya policial cu a yega na sitio di biaha a papia cu esunnan na cas. Despues di a scucha kico tabata pasa, mesora a bay atende cu ne. Polis no por a logra cu e persona rasona y tabata tin un comportacion agresivo.
Como a sinti e lo por a bira un peliger pa e famia, nan a opta pa deten’e. A pidi pa un transporte policial di Santa Cruz y hib’e warda di polis di Santa Cruz unda subfiscal lo dicidi con ta sigui cu ne.
