Diabierna atardi polis tabata atento riba caya buscando un vehiculo relaciona cu un caso di hit and run. Ta trata di un Suzuki Ciaz color bruin numera V-1348. Ta mas trempan cu e tabata envolvi den un caso di hit and run, parti dilanti di e auto tabata completamente destrui.
Cu sla fresco dilanti na banda drechi. Tabata busc’e for di un rato caba. Alrededor di 5:20 pm a señal’e riba Green Corridor direccion Watty Vos Boulevard. A logra par’e dilanti di Primavera #7, e chauffeur a conta cu; ta un auto a reverse y dal den dje. E specialista di trafico no tabata convenci cu su declaracion. Pa mas investigacion, a opta pa detene e chauffeur y confisca e auto.
Ley ta bisa: E ta castigabel pa ley, na momento bo causa un accidente y baha na awa bay. Laga daño, hende herida atras y of bo laga bo auto atras. Abo como chauffeur mester keda na e sitio di e accidente. – articulo 4, sub 2 di LWV.