Polis di San Nicolas a topa un homber pa 12:24 am riba caya na Cura Cabai. Mesora nan a bay atende cu e homber. Nan a puntra e homber si e tin permiso pa ta riba caminda den ora di toque de queda.
E homber no por a demostra di tin un papel di autorisacion pa ta riba caya den ora di toque d queda. Di biaha a bay over na deten’e y a pidi un transportwagen. Na yegada di e transportwagen, a hiba e homber pa ward’i polis.Orario di toque de queda a cambia y awo ta cuminsa 12:00 am, pero asina mes polis ta topa hende cu ta viola e ley aki.
