Apenas e orario di Toque de Queda a drenta na vigor y Polisnan atento a topa cu un persona masculino riba caminda na “Caya Regina (Ina) Oduber Croes” na Pos Chikito cu ta core paralel cu “Spaans Lagoenweg”. Polis a detene e persona y a solicita pa transport wagen yega.
Despues di algun minuut e transport wagen a yega na e sitio y a bay cu e persona. E ciudadano deteni a cuminsa protesta y no tabata mucho cooperativo cu e Polisnan.
Na dado momento hasta a medio scop cu su pia y a hera dal un di e agentenan den su cara. Asina mes cu pasenshi y tactica a keda traha cu ne y a convence pa e drenta den e transportwagen, pa asina hib’e pa warda di Polis na San Nicolaas.