Awe mainta Jeugd en Zeden Politie a haci un entrada hudicial na un cas na Tanki Leendert y a detene e homber di Rudy Elvio Juaquino Weert naci na Aruba di 60 aña pa abuso sexual di menor (Art. 2.197, art. 2:200 jo. art. 2:210, art. 2:201 jo. art. 2:210 y art. 2:208 di nos codigo penal). Na dicho cas a confisca entre otro computer, laptop y telefon.
Pa Cuerpo Policial por resolve mas caso cooperacion y informacion di pueblo di Aruba ta hopi importante, p’e motibo ey ta pidi si bo tin cualkier informacion yama tiplijn: 11141. Bo anonimidad ta garantisa.
E interogacion a dura oranan largo, a inicia mainta trempan y termina den oranan laat di atardi. Weert a duna un solo reaccion prome cu a drenta den e transporte di CEA, “papia cu mi abogado”.
