Dialuna ultimo den oranan di atardi, a laga Humphrey Croes, miho conoci como Fito, den libertad condicional, mientras cu e investigacion contra dje ta continua. Ministerio Publico ta sospech’e di soborno (omkoping). A detene Croes dialuna mainta, dia 7 di maart 2022, na su cas. Tambe a haci inval na su oficina, na Cas Bon NV den Caya Milio Croes. A bisa cu e ta envolvi den e investigacion Flamingo, cu tin ex-minister Otmar Oduber como e sospechoso principal.
Aisha Esser tabata e prome detenido den e caso, desde dialuna dia 1 di maart y a recobra su libertad diabierna dia 11 di maart 2022. E tambe ta sospech’e di soborno, esta ‘omkoping’. El a keda 10 dia cera. Pa e relato completo, lesa e edicion di TREMPAN di diamars.
