Manera anticipa e dia tan spera a yega y despues di un aña di espera, Weganan Olimpico Tokyo 2020 ta un realidad. Fo’i mainta trempan e paisnan participante ta desfilando den nan trahe oficial pa e Olimpiada.
Sigur un momento hopi special y peculiar momento cu Aruba a presenta cu su bandera, treciendo asina un orguyo gigantesco pa nos pais.
Aruba a bay cu un delegacion di tres atleta. E atletanan ta Allyson Ponson y Mikel Schreuders den landamento y Philip Elhage di tiro.
E dos atletanan cu a carga orguyosamente e bandera di Aruba tabata Allyson y Mikel. E aña aki Comite Olimpico Internacional (COI) a cambia e regla di banderado y a opta pa un homber y un muhe carga e bandera, pasobra nan ta di pensamento cu tur atleta ta igual.
Durante e Olimpiada aki tin varios deporte nobo cu lo ta estrena durante e temporada aki. For di Aruba pa nos atletanan, ta desea nan tur exito di mundo.