Recientemente personal di Colegio EPI y algun invitado a tene un bunita homenahe di despedida dedica na docente Luis Rodulfo, cariñosamente yama Wicho, cu a bay disfruta di su pensioen.
E carera di Wicho como educador a cuminsa na aña 1981 pues Wicho tin un trayectoria hopi amplio den enseñansa na Aruba di cual ela dedica 24 aña na Colegio EPI.
Durante su trayectoria na Colegio EPI el a eherce diferente funcion, entre otro: docente di Economie, Toets Constructie Deskundige, Begeleidingsmanager na unit Salubridad & Servicio y desde augustus 2020 tu cu juli 2022 Wicho tabata eherce e funcion di unitmanager di Economia.
Colegio EPI lo keda corda Wicho pa su profesionalismo y personalidad y alabes ta desea Wicho tur clase di exito den su etapa nobo como pensionado!
