Den un combersacion cu Derrel Lampe, nos Mister Aruba, el a conta nos un poco di e certamen di beyesa cu lo tuma luga dia 22 di augustus 2021 na Nowy Saçz, Polonia como tambe di e preparacionnan pa esaki. E lo ta biahando cu su coach y director Endy Croes.
Asina Derrel a splica cu esaki lo ta e di cinco edicion di e certamen y aki nan ta en busca di un hende homber ta aspira y inspira tanto su mes como tambe mundo henter.
El a conta cu tur cos a cuminsa un aña y mey pasa cu Mister Aruba Online. Despues di esaki a cuminsa Superstar Search cu un total di 36 participante cu e premio di haya Supranational completamente paga. Den esaki el a logra bay cu e posicion number shete, pues no a logra bay den e tanda di entrevista.
No obstante, el a opta pa combersa cu e organisacion y nan a dun’e un oferta di e frankicia pa asina cuminsa cu su preparacion pa bay representa Aruba. Su preparacion a inclui maneha social media, training fisico como tambe recauda fondo pa por logra cumpra e pasashi y cubri e gastonan envolvi.
Pa cobertura mas amplio, lesa e edicion di TREMPAN mañan.
