E dependance di San Nicolas ainda tin hopi hende ta keda puntra con a bay cun’e. Sinembargo, mirando cu aña escolar ta bay cuminsa, ta sinti un presion pa habri’e. E ta den proceso di renobacion, e no ta cla ainda, pero Biblioteca Nacional ta al tanto y tin corespondencia di DOW.
Astrid Britten, directora di Biblioteca Nacional, a comenta di despues di a tuma nota di entrega di e sucursal na San Nicolas, ken no kier ta den e edificio cu nan mes y tambe pa comunidad di San Nicolas naturalmente, pero ta falta algun parti cu ta den finalisacion. Den un email di DOW, nan ta pone enfasis riba e situacion, locual cu ta completamente cla. Loke cu realmente falta tambe a wordo poni den e email aki. Tin detayenan inclui tambe, esta meerwerk, cu tin cu keda finalisa, pa por entrega e proyecto manera cu e mester ta.
Un banda ta fastioso cu tin cu drenta den un edificio cu tin cu keda cu algo cu no ta completamente cla. Toch despues di tempo e lo ta cla tambe pa drenta den un edificio cu no tabata completamente cla. Algun ehempel ta, falta luz. Ora cu a bestel esakinan, a bin un short den esaki. Nan no a conta bon. Tin varios luga den e edificio cu falta luz. Un di nan cu ta basta urgente, ta den e lift mes. E lift ta den uzo, pero ken a bay drenta den un lift completamente scur. E lift ta trahando, pero no tin luz den e lift. Esey tambe ta un di e puntonan cu ta stroba esaki.
Manera cu Britten a trece dilanti, e punto di e palomanan riba dak, ta keda un punto di atencion, ya cu esaki ta mustra cu e no lo por keda soluciona. Ta diferente tecnica a wordo uza pero por constata cu e asunto di paloma, no ta completamente regla.
Ya por mira sushi di paloma caba riba e bentana. Esey so ta e parti fastioso di esaki. Tambe Britten ta kere cu mester papia cu DOW pa wak e tecnicalidadnan aki, con por reglanan y tur hende ta satisfecho.
Kico mas falta
Tabata tin un renobacion riguroso pasobra esaki tabata den careda di 1.6 miyon. Asina mes tin cosnan, manera cu nan ta yama, Meerwerk cu no a keda full soluciona. Un di nan ta riba e di tres piso, cu tin un holo desagradabel. Di un manera of otro nan no por soluciona ainda. Pero por lo general, tur cos a wordo cambia, sistema di airco, bekabeling, e lift. Tabata tin un renobacion intenso riba e edificio na Peter Stuyvesandstraat.
Un bon fecha di entrega
Segun Britten, e no ta mira factibel e apertura di e dependance pa e aña escolar nobo. Na momento cu e edificio keda entrega, mester bin e proceso di mudamento. Despues di bay check cu e compania di mudamento pa bay bek na e localidad. Pero conhuntamente ta kere cu e partnernan envolvi cu ta directamente esnan na San Nicolas mes y hunto cu DOW, pa yega na un entendimento ki dia e entrega oficial por tuma luga y pa e mudamento por cuminsa.
Gobierno ta na altura
Logicamente e minister ta informa di e desaroyonan di e renobacion di e dependance di San Nicolas. Awor aki esun cu por yuda ta esnan di DOW, pasobra nan ta e toezichthouder riba e proyecto tambe di e edificio na San Nicolas.
Restructuracion
Awor aki Britten ta mira den un email cu el a ricibi, cu mientras tanto cu a haya keuring di DTI, Elmar y SETAR. Esey ta un bon noticia, den e sentido cu bo ta yega un tiki mas cerca di e proceso pa por keda cla. Tambe, e lift ta gekeurd, cu excepcion cu e no tin luz den dje. Door di esey no ta posibel pa haci uzo di dje ainda, Britten a finalisa.
