Ta apenas dos siman pasa cu polis tabata presente na The Movies @Principal na San Nicolas p’un caso di destruccion. Malechor a kibra vitrina y bandona sitio. Riba e prome diadomingo di luna di maart un biaha mas polis ta presenta.
E biaha aki tabata alrededor di 10:10 am ora cu personal di e cinema a presenta pa habri e negoshi. El a nota cu e porta principal ta tur destrui y parti paden, un baranca cu a keda atras. A uza e baranca pa kibra e entrada di e porta.
Polis a presenta y a tuma tur informacion necesario y lo percura pa e ekipo investigativo ricibi tur informacion relaciona cu e caso aki. Claro, e cinema tin camara tur rond, pues no ta nada straño cu denter di algun dia, lo pone man rib’e malechor.
