Quota Club semper tabata activo durante e periodo di carnaval. E biaha aki, no ta bay ta un excepcion. Ivy Simon–Hernandez, presidente di Quota Club, durante e lansamento di carnaval 70 riba 11 di november 2023 a conta c’un biaha mas Quota Club lo ta activo no solamente riba caya, sino na e scolnan tambe.
E ta importante pa proteha bo oido y no tin nada mas importante cu duna e informacion necesario riba e efecto di musica demasiado largo y mucho duro.
Danki na comercio, Quota Club por bende nan conocido ‘earplugs’ riba caya y mayoria parti ta pa un suma masha abou mes. Quota Club t’ey pa sigui conscientisa e comunidad y haci uzo di bo oido. “Carnaval ta dushi pero bo oido ta mas importante”, asina Ivo Simon-Hernandez a termina bisando.
Stella Montstanto ta service director pa 2023-2024, manera Ivy tambe a vocifera, ta e periodo cu Quota ta drenta e scolnan p’asina informa e muchanan riba e importancia di ‘earplugs’.
Ta cuminsa cerca e muchanan. Den e ultimo añanan, e pueblo mes a cuminsa ripara e importancia di nan oido. Musica duro por ta dushi pero e ta cobra bo oido cu tempo, uza e ‘earplugs’ pa bo ta safe.
Anualmente Quota Club ta sali cu alrededor di 18 mil ‘earplugs’ riba caya. Mayoria biaha e gruponan di carnaval ta cumpra caha cu tempo anticipa. Quota Club ta stimula pa sigui haci esaki.