Dia di Himno y Bandera e clientenan di Daycare Cathrin a gosa di e actividadnan den cuadro di dia di Himno y Bandera. Asina nan a gosa di un bunita presentacion di grupo di baile folklorico, tambe nan a baila y gosa di e musica di Sunrise Trio cu a deleita cu canticanan di antaño Daycare Cathrin ta un pasadia pa personan cu dementia unda cu diferente actividadnan ta wordo organisa pa nan keda activo den mente y curpa.
Desde cu a habri portanan aña pasa DayCare Cathrin ta dedica na yuda su clientenan cu hopi cariño y compasion. Segun directora di e pasadia Violet Godet: “Cuido no ta solamente e zorg pero tambe dedica tempo na tende nos grandinan, nan merece mas atencion en especial pa sinti cu nan ta wordo scucha. Nos mester duna nos grandinan, amor, cariño y respect.” E clientenan a pasa un dia masha ameno den compania di e trahador- y voluntarionan di Daycare Cathrin.
![](https://24ora.com/wp-content/uploads/2022/03/Daycare-Cathrin-2-1.jpg)
![](https://24ora.com/wp-content/uploads/2022/03/Daycare-Cathrin-1-1.jpg)
![](https://24ora.com/wp-content/uploads/2022/03/Daycare-Cathrin-5-1.jpg)
![](https://24ora.com/wp-content/uploads/2022/03/Daycare-Cathrin-8-1.jpg)