Diasabra anochi alrededor di 8:35 pm a sosode un accidente riba Watty Vos Boulevard. Ta un poco mas pariba di rotonde Acero na Tanki Leendert. Aki ta caminda cu un pickup marca Nissan modelo Frontier a dal contra di e blokinan cu ta separa e dos via nan.
E pickup a keda pega riba e blokinan. E chauffeur a purba bandona sitio, pero sin resultado. Polis a presenta p’asina documenta e accidente aki. E chauffeur dibaina por a para riba su pianan, di cual polis a detene e chauffeur bou sospecho di stuur auto bou influencia di alcohol.
A transport’e pa warda di polis caminda a present’e dilanti un subfiscal. Prome cu 12:00 am ya e lag’e liber. A lag’e sosega su curpa un rato den cel pa lag’e pasa su wayaba.
