Aruba ta bay conta cu e ‘Operation Command Center’ miho ekipa y mas moderno den region. Parlamentario di Fraccion di MEP, Darlaine Guedez-Erasmus ta elogia e proyecto di ‘Operation Command Center’ cu lo ta situa na Savaneta, den e ex-edificio di polis, cu ta bezig ta remodela.
E comando aki lo tin tres funcionalidad cu ta bin hunto centralisa. Aki lo bin e ‘centrale meldkamer’ (central di polis), ‘radar kamer’ y e ‘camera surveillance’.
![](https://24ora.com/wp-content/uploads/2024/07/DSC03093-Enhanced-NR-1920x1280.jpg)
Guedez-Erasmus ta indica cu Aruba ta bay tin e ‘Operation Command Center ‘mas moderno den region y miho ekipa. Como ehempel, lo tin software cu ta consisti di inteligencia artificial. Esaki ta haci e trabou pa resolve casonan mucho mas eficiente y eficaz. Alabes e ta facilita e tareanan di e polisnan riba caya , door di por guia nan y duna nan informacion.
Como sifuera poco, e software por distingui y selecta riba color di vehiculo, number di auto, areanan specifico, color di paña, entre otro, e parlamentarionan a bisa. Cu e ‘Operation Command Center’ aki lo logra combati criminalidad mas eficiente.
![](https://24ora.com/wp-content/uploads/2024/07/449121165_790325706598461_1065813140765681798_n-1920x1280.jpg)
![](https://24ora.com/wp-content/uploads/2024/07/448610514_976336784499682_997768713111331974_n-1920x1440.jpg)
![](https://24ora.com/wp-content/uploads/2024/07/448764635_976336641166363_7630462686222201186_n-1920x1440.jpg)
Ta importante pa menciona tambe cu den medio di comunicacion internacional The Telegraph UK, a sali publica cu Aruba ta e isla mas sigur den Caribe y esaki no a bin di mes. Esaki ta resultado di bon vision y strategia pa haci Aruba sigur, y pa mantene Aruba sigur.
Cuerpo Policial di Aruba y Minister di Husticia di Aruba a bin ta haciendo un tremendo trabou pa cu esaki, asina Parlamentario Guedez-Eramus a declara.