Aruba a haya su mes encontra den un situacion sumamente dificil desde maart aña 2020 cu tabata e comienso di e pandemia di COVID-19. Na maart 2020 nos mester a pasa over na cera nos fronteranan y esaki tabatin un impacto grandi riba nos turismo y economia.
Na juli 2020 Aruba a habri su fronteranan aereo bek. Den aña 2021 pocopoco a mira recuperacion di nos turismo y a surpasa e proyeccion cu a premira. Aunke cu e olanan di variante di COVID-19 a pone Aruba y henter mundo na peliger na mas cu un ocasion pa bolbe cera e frontera nan, asina mes nos a sigui mira recuperacion den nos turismo.
Durante e aña aki den e luna di april, mei y juni Aruba a surpasa e cantidad di turista den comparacion cu aña 2019, cu tabata e aña den historia di Aruba miho den turismo. Aruba su performance tabata excepcional pa recuperacion di turismo y e proyeccion ta cu e trend lo sigui asina pa resto di aña 2022.
Turismo ta e motor di nos economia. Un turismo bon ta nifica mas trabou, miho sueldo y mas entrada pa Aruba. Pa e motibo aki ta mi kier gradici Minister Dangui Oduber, Gobierno di Aruba y tur departamento y empleado den e sector turistico cu ta bin ta trahando duro y cu awe nos por mira resultado hopi positivo pa pais Aruba.
