Daphne Lejuez ta lamenta loke a pasa ayera cu partido Accion21, pasobra e no a drenta partido politico pa sali afo na e forma cu el a sali. Specialmente awo cu 500 persona a deposita nan confiansa den su persona.
Lejuez no kier pa nan sinti desampara pasobra esey no ta e caso y e lo keda semper traha pa su pais. Si e oportunidad presenta, Daphne Lejuez, politico independiente, lo tuma e posicion si e habri manera ley ta dicta di ta un persona eligi den un proceso electoral. Na momento cu un persona bandona e puesto, pasobra e tin derecho di dje legalmente como lider di partido y esun cu mas voto.
El a splica cu si esey pasa, e ta cla pa tuma e posicion. No ta import’e si ta riba lista of no, si el a distancia su mes di e of ta riba e partido. Tur esey ta irelevante, pasobra ley ta para riba tur esey. Esey ta duna espacio na esunnan cu a deposita nan confiansa den su persona y no a duda ningun momento cu e lo no actua na momento cu e oportunidad presenta.
Di unda e problema a inicia, e politico independiente mes no sa di unda e ta bin. El a splica cu si ta hiba un bon liderazgo, kiermen tin contacto continuo cu e hendenan. Kiermen cu si tin cualkier preocupacion, inkietud of disgusto, ta bon pa yam’e y papia cu ne.
Pa cobertura mas amplio, lesa e edicion di TREMPAN mañan.
