Nos prome finalista di Miss Teen Aruba International Daniella Pop lo ta saliendo diadomingo 11 di February pa Nicaragua pa asina competi den e certamen di Teen Universe cu lo tuma lugar di 11 pa 18 di February.
Daniella ya di aña pasa a cuminsa cu su preparacionan pa e certamen aki y ta full cla pa laga e nomber di Aruba na halto. Mester remarca cu Daniella a usa e titulo di prome finalista como un plataforma pa lansa un campaña contra Bullying y a sa di graba varios video como mensahe y estimulo pa esnan cu ta pasa den e problema aki y diabierna ultimo Daniella tabata invita den Parlamento di Aruba pa asina finalisa e projecto aki pero tambe pa duna algun sugerencia di proposicion na esnan di Parlamento pa haci un cambio den e situacion aki. Sigur un bunita logro pa asina conclui un bunita projecto.
Awor e siguiente meta ta su representacion di Aruba mei mei di mas di 25 otro paisnan participando pa Teen Universe 2018. Esaki ta di dos biaha cu Aruba ta participa den e certamen aki. Na 2013 nos 2da finalista MTAI Isabella Gonzales a representa nos isla y a clasifica entre e Top 12 Finalistanan. Daniella ta hopi positivo y nos ta sigur cu e lo haci un bon trabou pa nos isla ARUBA, bo tambe por dune bo voto.. Bishita e pagina di Facebook di Teen Universe , check e potret di Daniella, Like…Share y Comment y duna bo apoyo. Keda pendiente pa e desaroyo di Daniella Pop na Nicaragua.
