Diasabra anochi ta tuma luga otro caso di violencia domestico. Un dama ta yama polis pa pidi auxilio na momento cu agresion tabata tumando luga.
Polis atento a logra scucha adres y e motibo di e yamada mientras e agresor a ranca telefoon for di man di e victima pa purba detene su intento di pidi yudansa.
Mes ora 4 patruya a dirigi nan mes na Bernhardstraat San Nicolas, caminda a bin encontra e victima como tambe e abusado cu a pone man riba dje. A deten’e mes ora na sitio.
Incidentenan lamentabel di violencia domestico ta mas frecuente cu por a imagina y durante TDQ hopi biaha e victima ta haye obliga y sin otro opcion di ta den mes un cas cu su agresor.
Instancianan ta atento y cu yudansa na cualkier persona cu mester di esaki. Tuma contacto cu cualkier un di nan si bo ta sinti bo ta un victima di violencia.
