Diasabra marduga alrededor di 12:30am a pidi polis cu urgencia riba e zona mas importante di nos pais. E strip di Palm Beach, caminda un dama a bira malo y sak den otro. Pa su suerte tabatin mas persona den e area, caminda a gar’e y evita cu e ta herida su curpa.
Na sitio a combersa cu varios testigo, parce el a haya un ataca leve. Ta suficiente motibo pa ambulance presenta p’asina brind’e victima atencion medico. E situacion a sosode net dilanti Supranos Bar. Na yegada di ambulance berdad a topa cu un dama cu tabata rekeri atencion medico. Mirando e situacion, a dicidi di bay cu e dama pa hospital p’e por ricibi atencion medico mucho mas avansa.
