Arubaanse Zwembond (AZB) den luna di December 2018, a organisa un curso di “Open Water Swimming” ,esta landamento distancia largo, pa su Oficialnan di natacion ,auspicia pa FINA.E curso Tabata hopi intensivo,cu un duracion di 4 dia.
E curso Tabata consisti di parti di teoria y parti practico, enfocando riba tur reglanan existente di FINA. E curso a ser presenta pa un instructor di “Open Water” di FINA, esta lic. Sr.Thomas Haces, procedente di Cuba. Oficilalnan Arubano Certifica di FINA, Sr. Ronald Leito, Sra. Mayens Tromp y Sr. Ricky Arends tambe a forma parti di e curso aki.
E cuerpo di Oficialnan qualifica aki, despues di un evaluacion final, lo ta responsabel pa competencianan local y international di “Open Water” ,dirigi pa Sr. Bert Schreuders ,cu ta un Referee Arubano Certifica di FINA di “Open Water” . (Sr. Schreuders no tabata presente durante e curso pa motibo di tabata na China pa un competencia mundial).
E teamnan di natacion Aruba Dolphins Swimming Team , Stingray swimming y Sport4U Swimming &Triathlon Team , cu nan coachnan, a percura pa participacion di nan landadornan cu a contribui na parti di practica, cual a tuma lugar den lagoen na Savaneta.
Alabes AZB mester a cumpli cu e reglanan estricto impone pa FINA, cual ta lo siguiente: un equipo di medico profecional cu mester efectua control medico na tur landador prome cu drenta awa, compaña e atletanan durante e ruta y controla tur atleta extensivamente na nan jegada. E equipo di medico tabata consisti di dr. Aron John y Dionne Leito R.N. Un equipo di rescate lidera pa sr. Roly Bisslik, un equipo di seguridad lidera pa sr. Vladimir Wolf, y “stand-by “ di un Ambulance authoriza, Kustwacht, Brandweer Aruba etc. etc. Remarcabel ta cu mayoria di e Oficial Cursistanan aki ta educadornan na school. Riba e combinacion de fotonan por mira algun di e actividadnan.
Directiva di AZB ta felicita tur cursista,y ta desea e Oficialnan aki tur clase di exito y tin tur confiansa cu nan lo por dirigi tur competencia local y international di Open Water exitosamente.
