Proximamente Curacao Marriott Beach Resort, pronto lo habri su portanan un biaha mas. Y sigur nos por a mira hopi cambio Sergino Croes, Senior Sales Manager di e resort a comenta cu tur cos ta bayendo basta bon. Ta poniendo e ultimo detayenan pa por habri e hotel dia 21 di October.
E hotel tabata cera te awor aki pa tres aña pa haci varios cambio. A bin bek cu casi 100 camber mas. Tin un piscina pa adulto solamente, tin un eventsplace mas cu ta bay bin, dos ballroom, ta bay tin un total di cinco restaurant, incluyendo 24 hour roomservice. Tin basta cambio cu a tuma luga pa cumpli cu e expectativanan di e huespednan.
Ta bay tin un divecenter, pa e niche di dive. Corsou ta hopi conoci pa e comunidad di divers. Tambe ta bay tin facilidad pa e biahero cu ta mas den un trendy y healthy lifestyle. Ta bay tin un piscina cu ta similar na uno olimpico pa e biahero mas activo.
E ballroom lo bay sirbi basta e mercado di casamento. Casamento ta hopi upcomming, pero tambe e mercado incentivo y corporativo.
Capacidad
Pa loke ta e otro ballroom nan ta cabando pa pone e ultimo tokenan. E ta bay haya un transformacion completo. E ballroom nobo lo bay tin un capacidad di te cu 360 hende, den un banquetstyle, un event setting. E ballroom anterior, tabatin tin capacidad di 260 persona.
Algo sumamente special
Marriott lo bay habri dia 21 di october y lo bay tin special pa local y entre nan a hinca biaheronan di islanan ABC. Entrante otro siman lo bay anuncia e campañanan cu ta bay tin y ki ora ta bay cuminsa book.
Segun Croes, nan tin un website y tambe nan lo bay media, pa haci promocion. Ta bay tin diferente manera unda cu por yama of manda un e-mail. Ta bay tin un plataforma tambe unda cu por genera e booking.
Entusiasmo
Awor aki a ripara cu tin hopi movecion. Diamars awo sales y events ta moviendo pa e hotel for di e preopening office. Ya Top of the House y F&B a bay eynan caba. Entrante 1 di october ta bay tin por lo menos 300 persona cu lo bin reforsa a ekipo, pa haya training di 2 siman di Marriott pa por habri e hotel. Ta ripara cu nan ta pushing in, a cuminsa line up e ultimo strategianan, kico ta e siguiente pasonan cu tin cu tuma. Simultaneamente e parti di construccion ta termina.
