Recientemente e asociacion di boxeo di Corsou, CuraBox a yama un bon bini na Boka Boxing Club como miembro.
Den un relato di prensa nan ta indica cu e luna aki lo bay tin reapertura di e club di boxeo. A funda Boka Boxing Club na 1966 pa Hubert ‘Ibi’ Zimmerman y Chucu Zimmerman. Awendia e club ta dirigi p’e rumannan di Chucu, esta Nel Zimmerman y e excampeon di UBC, Marcelo ‘Chelo’ Zimmerman.
Presidente di CuraBox, Edwin Baas y e vicepresidente, Andy Frans, a entrega varios material pa box pa asina nan por cuminsa train.
CuraBox tambe lo acumi n’e demas clubnan afilia e luna aki pa suministra nan material.
