Recientemente Aruba Certification Program (ACP) den colaboracion cu Aruba Hospitality & Security Foundation a certifica e prome grupo di Cuerpo Policial di Aruba.
Den e curso a participa entre otro diferente departamento/rango di cuerpo policial. Segun Directora di ‘Academy for Justice and Security Aruba’, Sra Jeannette Richardson – Baars, e meta ta pa henter cuerpo asisti e curso di Mi Compromiso cu Aruba, pa asina tin mas conocemento di caracteristca di Aruba, pero tambe con pa mantene un actitud profecional y a introduci e concepto di ‘vriendelijke strengheid’.
E introduccion di e modulo di servicio nobo cual ta parti di e curiculo di ACP a wordo amplifica conhuntamente cu Hotel Management School Maastricht pa asina por brinda un modulo mas completo y actualisa. E concepto aki ta pa concientisa cada participante di cuerpo cu emberdad cu asina cu nan ta na pia di trabou nan ta den e puesto di autoridad, pero tambe mester tene na mente cu tin ocasion cu nan lo mester brinda servicio cu ta refleha e carisma ‘Rubiano. E concepto di ‘vriendelijke strengheid’ no ta solamente aplicabel pa Cuerpo Policial, pero tambe pa personalnan di seguridad caminda mester mantene un posicion firme pero tambe brindando un servicio excelente.
E team di ACP ta yama danki na tanto Sra Jeannette Richardson – Baars y Suzy Nadal cu a haci tur preparacion necesario pa KPA participa. Den transcurso di aña mas grupo di Cuerpo Policial lo ricibi nan certificacion. Pa mas informacion di Aruba Certification Program por manda un email na [email protected]
