Diferente unidad di polis a presenta na e crusada dilanti New 88 Food Mart na Santa Cruz pa un accidente cu cuater auto envolvi.
Diaranson 1:00pm, riba caminda grandi di Macuarima den Santa Cruz a sosode un accidente basta pisa caminda dos persona a resulta herida, entre otro un menor di edad.
Informacion compila na sitio, a indica cu un Honda Civic lo a sali for di e parkinglot dilanti “New 88 Food Mart”, subi caminda pa crusa baiy direccion pabou. Den e maniobra, no a duna preferencia na un Hyundai Accent biniendo di noord.
Chauffeur di e Hyundai, cu a haya su mes enfrenta cu un auto su dilanti, no por a evita impacto y a dal den e Honda Civic. E Hyundai riba su turno a dal den un Mercedes-Benz CLA 200, cu tabata den proceso pa subi e crusada.
Door di e impacto, e Honda a bay para te den parkinglot di “New 88 Food Mart”, unda cu na su turno a bay dal den un Pick-up preto staciona dilanti e Supermercado. Ambulance a presenta y trata e heridonan na sitio mes. Tin di menciona cu e trafico a keda pega pa basta rato.
