Stellaris Casino a bay premia su fiel hungadonan y tambe despues di 27 aña nan a conoce un cambio. P’esaki nan a invita tur su cliente y invitadonan p’asina celebra y haci esaki den grandi hunto cu nan.
Yazira Javois-Feliciana, director di mercadeo di Stellaris Casino, a conta cu fo’i trempan caba e clientenan a cuminsa yega. A yama e evento aki ‘Be on board with Stellaris Casino.” E clientenan a haya un open buffet y un premium bar manera semper. Tabatin ‘N Fusion pa pone ambiente n’e celebracion.
En realidad e motibo dje celebracion tabata cu despues di 27 aña, Stellaris Casino ta refresca su logo y a revela esaki dilanti di e cliente y invitadonan. Ta trata aki di un un inspiracion ‘Vegas Style’ incorpora cu e vibracion Caribense. Asina a yega n’e logo cual ta uno masha bunita mes.
N’e mesun momento a probecha di gradici e clientenan cu tabata fiel n’e casino pa un aña largo. E forma cu a haci esaki ta cu a invita tur hende pa celebra e logo y n’e mesun momento a ricibi un certificado pa dos pa bay riba Norwegian Cruiselines pa cualkier destinacion pa 7 anochi.
Esey tabata e regalo cu a duna e clientenan como celebracion dje logo y pa ta un cliente fiel di Stellaris Casino y tambe, manera cu a anuncia despues di a ricibi nan certificado, nan a haya 100 dollar pa activa riba nan cuenta.
Cada mey ora a anuncia dos ganado cu a bay den e Twister of Cash machine, caminda cu nan por a coy cuanto placa cu nan tabata por den 30 seconde y locual cu nan a gara tabata pa nan, como nan total cash prize cu nan a caba di gana.
E emocion dje clientenan tabata halto, ya cu nan tabata en espera p’esaki. Aña pasa tabatin un grupo mas chikito, contrario cu e aña aki cu tabata un grupo hopi mas grandi.
E clientenan tabata super gradicido p’e gesto aki, segun Javois-Feliciana. Pasobra despues dje pandemia, ningun hende por a biaha.
Aña pasa a haci esaki, despues a haya un wave di Covid y Cruisehips tabata esunnan mas afecta. E biaha aki si e clientenan tabata full entusiasma.
Manera cu nan a haya nan invitacion, nan a scoge nan destinacion caba. tin di nan ainda no ta kere of no kier kere cu nan ta hayando un certificado pa dos, pa cualkier destinacion cu Norwegian Cruiselines.
“Si ainda bo no a bin Stellaris, ta momento pa bo cuminsa bin.” Tambe a anuncia cu esaki lo t’e ultimo luna cu tier players, ya cu Stellaris Casino tin un programa bon hinca den otro cu ta premia e clientenan local cada tres luna. November t’e ultimo luna pa cera nan punto pa nan sa cu nan ta platinum, gold of silver.
E luna aki ta crucial pasobra Stellaris Casino ta un dje casinonan cu ta duna un dje miho Christmas Basket p’e periodo aki.
Depende dje tier, ta haya un Christmas Basket cu ta incomparabel. Esey tambe tin e hendenan full entusiasma. Tur dia nan ta bin puntra cuanto punto nan tin, pasobra e nivel dje tier ta duna nan un basket.
Por ehempel si ta un platinum tier, ta bay cas cu tres basket balora na casi mil florin. Esey ta loke mas nan a spera y a recorda nan djesey dialuna anochi. Stellaris Casino basicamente tin su clientenan bezig henter aña.
MOMENTO PA CAMBIO
Javois-Feliciana a indica cu motibo pakico a bisa cu lo haci e cambio, ta pasobra despues dje pandemia, tur a pasa den e parti cu e mundo di hospitalidad t’esun cu a sufri. A bisa cu lo restart e negoshi y awo por bisa cu finalmente na juli y augustus, finalmente a restart e casino business bek, manera con nan tabata. “No kier start ‘just like that’.”
Nan kier a bay cuminsa nobo, kier ta fully refreshed. Aki dos siman e Lounge den Stellaris Casino lo ta full renoba y lo tin hopi cambio.
Den 2023 kier drenta completamente nobo. P’esey a haci uzo dje Norwegian Cruiseline y a lansa e logo p’asina habri e aña completamente nobo.
Por ultimo Yazira Javois-Feliciana a comenta cu “si ainda bo no ta un miembro di Stellaris Casino of bo tabata un miembro y bo tin hopi tempo sin bin, yega. Abo sa cu Stellaris Casino t’e famia ganado. Nos ta warda bo cu brasa habri y sa tambe, ora cu drenta Stellaris Casino, e experiencia cu ta haya ta simplemente un ganado.”
