Diahuebs anochi a tuma luga e evento ‘Encuentro literario cultural y linguistico entre e tres paisnan ABC’ a bay hopi bon mes, segun Mirto Lacle, kende ta linguista literato gestor y promotor cultural, como tambe Co-organisado di e evento. E luga tabata completamente yen di hende pero tin e custumber di haya esey.
Segun Lacle, ta bunita pa mira e invitadonan di afo. A hinca den e evento e parti di Wayuu, esta e Guajira Colombiano y Venezolano cu ta residencia na Aruba y ta papia e idioma tambe. Loke a haci ta un intercambio entre e islanan, cual ta LACLE, cu ta nada mas cu literatura, arte, cultura, creatividad, linguistico y educacion. Esey ta loke a representa.
Den tur loke cu Lacle a menciona, no por a haci esaki sin e ayudo di otro. Ta p’esey tin un plakkaat di merito cu a entrega na tur persona, entre otro Edsel Lopez, un accountant conoci kende a mira fo’i ora cu a haci e actividadnan di Sazon Cubano, Sancocho Dominicano, Cous cous Haitienne y Mofongo Portoriqueño den Cas di Cultura, tabata mira pa yuda aporta cu por a haci esaki posibel.
Evento asina ta costoso. Ora cu a publica e buki ‘Reluci’, cu ta trata di historia of nacemento di e historia, e origen, desaroyo y cristalisacion di un fundacion cu yama “Voz-i-Landia Escolar”, cu a nace den Patiastraat, cu ta un caya paralelo caminda cu Edsel tambe a lanta y a mira e necesidad pa por a yuda haci esaki, yega na hende cu no tin acceso tin biaha pa haci esey.
E idea ta pa por siña mester comparti. Si un man laba e otro, tur dos ta bira limpi y ta p’esey a entrega e plakkaat, cual ta un tipo di regalo, atencion na su persona.
