Polis di Noord a ser avisa di un Hyundai Tucson para banda di Tanki Flip. E ta como 200 meter despues di e rotonde direccion Noord. Polis a bay na e sitio y a mira cu tin un tire plat. Tambe e tin un glas di chauffeur kibra. Den e auto tin basta caha di celular bashi. E ta mustra manera a uza e auto pa ladronicia.
E auto ta registra na un adres y polisnan a bay na e adres. Na e adres a tende cu e persona ey no ta biba eynan mas. Polis a dicidi di bandona e auto cu tin dos dia para canto di caminda.
Straño toch cu polisnan mes no sa cu ta nan mes a para e auto. Dos dia pasa durante Toque de Queda nan a para e auto marduga y haci dos detencion.
Di e dia ey e auto a keda atras. Importante ta pa busca e dos personanan gara den e auto. Mester busca informacion for di nan unda a haya e auto y unda tur e cahanan di celular ta procedente. Straño cu polis no a cay riba e cosnan ey. Nan mes no sa cu nan a para e auto dos dia pasa.
