Aruba a vota aña pasa pa e prome video contest di Long Table Aruba organisa pa Wind Creek unda cu Animal Welfare Alliance Aruba (AWAA) tabata e ganado absoluto.
Nos ta sumamente contento di por a bishita e ganado di Long Table Aruba 2022 y por admira e trabou y dedicacion di Jackeline Boderie y Mercedes de Bruyn conhuntamente cu tur e boluntarionan na Animal Welfare Alliance Aruba. Nan a haci bon uzo di e premio y a surpasa tur expectativa. Nan a yuda mas di 1500 cacho y pushi, cual tabata sufri di algun enfermedad. Tambe a duna e famianan e felicidad di tin nan mascota stima sano. Danki na Animal Welfare Allaince Aruba tur mascota tabata yuda.
Nan ta enfoca den sterilisa cacho y pushi. Pero tambe ta enfoca den educa y crea conscientisacion p’e bestianan. E bestianan ta treci na Animal Welfare Alliance Aruba sea door di e boluntarionan mes of doño. Nan ta percura pa opera e cacho- y pushinan, y asina ey e siguiente dia nan ta bay bek cerca nan famia.
De Bruyn a indica cu e placa ricibi nan a cumpra hopi remedi y provision cu nan mester pa operacion.
E organisacionnan local cu ainda lo ta desea di participa den Long Table Aruba su si 5 aña, lo por haci esaki entregando nan video prome cu 21 di mei riba nos link https://cm.windcreek.com/aruba/community-support/long-table.
Reservacion pa ticket di e evento di Long Table Aruba lo ta posibel solamente online y lo start diaranson 17 di mei pa 10:00 am riba e website www.renarubaevents.com.
