Un situacion serio cu tur autoridad presente na Bugaloe Pier na Palm Beach, entre Riu cu Aruba Hilton, na e momentonan aki. Un boto comercial a pasa riba un persona y su situacion ta basta critico.
A bati alarma den careda di 3:30 pm y mesora ambulance y polis a mobilisa. Na sitio a bin compronde for di algun testigo, cu e victima lo a cay for di un chup y desafortunadamente un boto lo pasa riba dje. Tabata trata di un hoben di 13 aña cu a ricibi hopi sla.
Paramedico trahando duro cu e victima mientras cu tur hende den angustia incluyendo esunnan cu tabata compañante, cu ta asumi cu algun lo ta familiar.
Ta keda pendiente mas informacion riba e caso aki cu ta mustra di bira uno basta serio.
