Pa tur esnan cu ta pasa door di depresion, stress, problema aki y aya, diferente tipo di abuso, adiccion di tur clase y cu ta buscando un salida y no por haya, nos kier recordabo cu Cristo Hesus tin tur autoridad.( Colosenses capitulo 1 vers 13-18)
Laga nos tuma e asunto aki hopi na serio, por ta bo ta un persona den adiccion y bo a bay diferente pais, pa rehabiltacion, por ehempel Sto Domingo, Colombia, Hulanda, Canada etc, etc y keto bay no por sali for di adiccion, mi ta conseha bo pa purba cu Cristo pasobra e tin tur autoridad.(Mateo 28 vers 18-20)
Tur adicto cu yega serca Cristo Hesus cu boluntad pa sali for di adiccion ta wordo libra door di Cristo Hesus, y laga nos papia un berdad cla y raspa , si Hesus por cura tur clase di enfermedad pasobra E ta bo Sanador, dicon E no por libra e persona di droga.? ( Colosenses cappitulo 2 v10 -11).
Awel conclusion ta cu e persona no ta serio y no ta entrega su boluntad na Dios, pasobra tur hende tin boluntad propio, ningun hende no a nace adicto, ni tampoco otro desviacion cu ta aparece den bida di hende, pero ta nan mes ta somete nan boluntad na locual cu ta contra palabra di Dios.( 1 Pedro 3 vers 22)
Si nos yama adiccion un malesa, anto nos mester sa cu e Sanador ta Cristo Hesus, y cu e tratamento di adiccion no por bay si no ta den estricto contacto cu e palabra di Dios.( 1 Juan 3:35)
Pasobra adiccion ta un grado halto di influencia diabolico den cual un hende no por controla su boluntad, y asina ta cay bao di un passion diabolico cu ta wordo domina door di droga ( Piliepnsenan 2 vers 10+11).
Cada persona cu tabata den droga y a sali y a bolbe cay bek sa masha, masha bon mes e motibo con e a yega bek na droga.
Ta su mes deseo y debilidad carnal ta hibe bek den mesun situacion. Cristo Hesus tin e autoridad di vence e demoño cu ta influencia bo pa usa droga, cual remedi y therapia sin Cristo no por haci,.pasobra ora nos ta papia di liberacion berdadero nos mester papia cu Cristo Hesus.(Juan capitulo 3 vers 31). Ora un hende ta den adiccion pa hopi aña e persona aki mester bira conciente cu e mester drecha su relacion cu Dios, pa asina tin un renobacion di mente y curazon, pa e persona stima su mes y su hendenan y balora e bida cu Dios a dune.( 2 Corintionan 5:17).
Ningun religion no por cambia bo ser, ta solamente e sanger di Hesus por hacie, ta solamente un relacion bibo y real cu Hesus Cristo por sacabo for di droga.( Juan capitulo 17 vers 2) Awe mes bo bida por cambia, y bo ta sali for di tur clase di adiccion, y tambe violencia domestico si bo entrega bo bida na Cristo pasobra riba bo mes bo no por haci nada.
Cristo Hesus tin tur autoridad. Pastor Marcel Balootje
