Ayera nochi NV ELMAR a confronta un situacion inespera den e area di Paradera y Santa Cruz. Pa mas o menos 7:21 PM, a haya notificacion di un interupcion den distribucion di coriente den area di Seroe Biento, Piedra Plat, Pavia, Meiveld, Cumana y vecindario.
E ekipo tecnico a mobilisa mesora pa atende e situacion aki. Pa mas o menos 7:49 PM, e tecniconan tabata na e sitio y a identifica e fayo cu a causa e interupcion di servicio di coriente. A surgi un corto circuito den e red di alto tension. Durante cu a cuminsa duna coriente, a surgi un problema cu un switch di alto tension, cu nan a coregi mesora.
Pa mas o menos 9:25 PM, a logra reestablece e suministro di coriente den mayoria area afecta. Tecniconan di ELMAR no a para niun momento pa sigura cu por reestablece e servicio cu ta brinda.
Pa mas o menos 9:39 PM, a reestablece e suministro di coriente na Seroe Pita. Finalmente, na 10:10 PM, a logra completa e tarea pa reestablece e suministro di coriente den tur area afecta.
NV ELMAR ta dedica pa sigura siguridad y confiabilidad di e infrastructura electrico den tur area. Ta compronde e importancia di un bon servicio di coriente den bida diario. Ta aprecia e pasenshi durante e momento dificil aki. ELMAR ta keda comprometi pa sigui brinda e miho servicio posibel, y ta gradici tur habitante pa e confiansa continuo.
