E no a nace ni ta biba na Aruba. Pero e no ta lubida su antepasado cu sigur ta di Aruba. A lant’e cu asina amor pa Aruba cu na momento di
competi den exterior den e disciplina di MMA, e ta hacie bou nomber di Aruba. Ta papia aki di Rio Richardson, kende fin di siman a logra un triunfo importante na Hapon, unda cu por a mira e bandera di Aruba ta bula.
Inicialmente tabata programa pa Richardson participa den e parti di kickboxing pero na final a hinc’e den e peleanan di MMA, y a haci su
debut eyden. E Hulandes Arubiano ta conoci pa su kickboxing riba escenario local na Hulanda. Y a yega di bringa diferente biaha den World Fighting League. Y awo el a dal otro paso.
El a enfrenta e Hapones Izaya Maki (1-0-0) kende tabata responsabel pa e debut di Richardson su debut den MMA. Maki a bringa su unico pelea amateur di MMA na 2019 cu el a gana pa KO den e prome rond. Rio Ferdinand ta biba na Amsterdam pero henter su famia ta biba na
Aruba. Rio ta contento di por cana cu e bandera di Aruba y representa su dushi isla tur caminda na mundo. Pabien Rio Richardson
![](https://24ora.com/wp-content/uploads/2023/08/370037337_786161080182933_3627721991746603810_n.jpg)
![](https://24ora.com/wp-content/uploads/2023/08/370251597_786161016849606_5269330270136287936_n.jpg)
![](https://24ora.com/wp-content/uploads/2023/08/370268914_786161106849597_8147294335026163481_n.jpg)
![](https://24ora.com/wp-content/uploads/2023/08/370290666_786161146849593_3597173968010318808_n.jpg)
![](https://24ora.com/wp-content/uploads/2023/08/370563388_786161043516270_943027801961367839_n.jpg)