Eugene Rhuggenaath, prome minister saliente di Corsou, den un conferencia di prensa a anuncia cu e pais un biaha mas ta bay den lockdown. Esaki ta entrante diaranson, 24 di maart y lo keda vigente pa sigur dos siman.
Esaki ta nifica cu tur hende mester cas y e contacto mester ta minimo. Esaki despues cu a constata presencia di e variante Britanico cu ta plama hopi mas rapido cu e COVID-19 original.
Ta masha importante pa limita e cantidad di casonan cu ta yega hospital y haci lo necesario pa trece e contagionan bou di control. Punto di salida di tur e medidanan ta pa keda cas. Solamente proceso y funcionnan vital ta keda habri; hendenan mester bay traha for di cas, unda cu ta necesario. TDQ ta keda mescos, compranan esencial solamente ta permiti y hendenan por sali pa esaki, segun e plachi numbernan di dia.
Luganan vital cu por bishita ta supermercado, panaderia, pomp di gasolin y hardware. Riba diadomingonan autonan privanan no por circula, cu excepcion di trabou di transporte y esnan cu ta haci trabou esencial.
Construccion ta sigui mientras cu restaurant y trucknan di pan por haci entrega di cuminda for di 12’or di merdia te 8’or di anochi, pero mester pidi e exoneracion. E proceso aki por dura 72 ora pa cual a pidi pa haci esaki awe mes.
Na e momentonan aki diadomingo a haya 40 caso nobo. Hospital tin un total 12 persona di Corsou y 2 di Boneiro. Pues en total tin 32 persona interna den hospital.
