Celebracion grandi. Un total di 887 mucha di scol di fundeshi y scol special di fundeshi ta ricibi un excursion den Kura Hulanda den cuadro di Willemstad 25 aña como patrimonio mundial di UNESCO.
Esaki durante henter e siman di celebracion, esta di 28 di november pa culmina 4 di december.
Minister Charles Cooper, hunto Minister di Enseñansa, Ciencia, Cultura & Deporte, Sithree van Heydoorn, a haci apertura di e siman di excursion den Kura Hulanda pa mucha di Scol di Fundeshi i Scol Special di Fundeshi di grupo 6, 7, y 8.
Ta importante pa pasa nos herencia cultural y conocemento di nos patrimonio mundial pa nos muchanan. For di dialuna te cu diabierna durante ora di mainta, un total di 21 scol ta ricibi un recorido den Kura Hulanda.
Esaki ta cuminsa cu e museo di catibo, sigui pa e rikesa cultural di Africa, lo termina cu un recorido den e diferente monumentonan for di Kas di Catibo te cu Kas di Shon. Tambe lo tin splicacion di con tabata spaar awa den un ‘regenbak’. Durante di e prome mainta, esta riba dialuna 28 di november, tambe a haci entrega di e buki digital ‘Kucho den kayanan di Otrabanda’ na Minister van Heydoorn.
Lo pasa esaki den tur klas via di un asina yama ‘digiboard’, caminda tur mucha, na un manera colorido, ta cana den cayanan di nos centro di Ciudad. Esaki ta un manera pa cuminsa educa mucha di nos Patrimonio Mundial.
