Riba 1 di november 2013 a funda “Fundacion di Hende Homber pa Hende Hombernan” cu e meta primordial pa mehora e posicion di hende homber na Aruba.
Pa logra esaki lo duna sosten, guia y conseho a traves di un metodo netamente di fundacion pa e integracion di e hende homber den su hogar, trabao, famia y comunidad.
Considerando cu ultimamente por a tuma nota den nos medionan social di e aumento di violencia y abuso domestico, casonan di suicidio, divorcio y te na asesinato di pareha, directiva di fundacion Hende Homber a mira e importancia pa organisa un conferencia dirigi no unicamente pa e ser masculino, sino tambe cu participacion di hende muhe y hobennan.
Ted Hasham, Fundado a indica cu cu actualmente tin hopi hende homber den problema na Aruba y nan ta desea pa via media, nan haya sa cu tin un fundacion pa nan. E metodo cu e fundacion ta duna, ta pa tanto hende homber y hende muhe. E metodo specifico ta yama ‘E realidad di bida: Idioma di Amor y Dies Manera di Stima. Ta trata di diescinco paso den bida.
Entrada na e conferencia aki ta completamente gratis. Tema general ta encera: ”Hombernan cu ta marca e diferencia” y lo tuma luga riba diasabra 4 november 2023 den facilidad di GLORIA (IMAX) for di 9’or di mainta te cu 3’or y mey di atardi.
Lo tin oradornan local profesional, manera psicologo forensico Johnny Boekhoudt, como orado principal, trahado social, Rhomyko Winklaar, Dr. John Croes, coach financiero, Francis Groeneveldt, consultor educacional Raymond Maxwell, Sex Coach Geraldine Alexander y pastoor Gino Frans.
Pa participacion na e conferencia por registra online haciendo uzo di e QR code y e link https://forms,gle/24cd8atHTHVrT1UF9 ,tambe por subi nos Facebook Page Fundacion Hende Homber of yama na nos celular # +297 5647336.
Pa mas lesa TREMPAN.
