Un anochi exitoso, ta loke varios persona a comenta di e concierto di Liam Sean Kelly, cu a tuma luga den Cas di Cultura diabierna anochi.
Ya for di basta siman caba, tabata promove e anochi aki como e debut profesional di Liam hunto cu su banda The Late Romantics den Cas di Cultura.
E tabata sigur un anochi hopi interesante caminda bon amante di musica por a disfruta di un repertorio hopi bon hinca den otro di parti di e artista hoben aki.
E ta conta cu e tabatin basta nervio. Sinembargo e tabata hopi bon. Liam a keda cansa, nificando cu el a haci su trabao bon. El a sinti bon y a bay miho di loke e mes a kere.
Liam ta gradici su banda completo, cu a toca manera un famia, pasobra nan tabata haciendo. Tur e dianan cu a pasa nan tabata ensaya como un famia.
Pa loke ta e repertorio, e tabatin 10 cancion original y 5 cover. Liam a scoge e repertorio riba e cancionnan cu a inspir’e.
Liam ta conta cu rock alternativo ta loke a papia cu ne. E por a relaciona su mes na dje. Tin biaha den rock alternativo bo ta scucha hopi dolor y e ta gusta con ta expres’e. Tin biaha e ta rabia, pero tin biaha por mira e habilidad den dje.
Durante e anochi aki el a dedica mas tanto su cancionnan na su famia y tambe na e legendario David Bowie. Un di e cancionnan cu el a skirbi yama ‘Readings’, dedica na Bruce Springsteen, cual ta un heroe di Liam mes. Tambe el a dedica un cancion na su defunto wela y algun amistad cu tabat’ey presente e anochi aki. A trata tur hende manera un famia e anochi aki.
Na final di anochi el a toca un cancion original cu ta hopi bon toca den e dianan aki. Liam ta conta cu e cancion yama ‘Brothers’ cu el a skirbi pa su ruman homber. Ta trata un cancion cu ta conta con nan a crece en corto.
Cu tin un album na caminda, si. Liam ta menciona cu pa januari nan lo ta grabando y por spera e album den luna di maart probablemente.
Liam ta gradici tur cu a sa di duna nan sosten na e show di diabierna. Na prome luga e kier a gradici su manager Amal pa semper a kere den dje y tuma e miho decisionnan p’e. Tambe ta gradici su banda The Late Romances, cu sin nan nada di esaki tabata posibel y sin nan e ta nada.
Tambe el a gradici na tur hende cu a presenta na Cas di Cultura. Na Sharp p’e zonido y e bon cooperacion cu tabatin.
Awo kico ta e next step di Liam, ta pa graba un album. E shownan mester ta mas grandi y e ‘following’ mester crece. Mester djis purba di yega na e siguiente nivel y hasta bay den exterior. Tin hopi talento den e banda pa djis keda tranca y esey ta loke cu Liam no kier. Aworaki tin un bon momentum y e kier pa esaki continua.
Sigur e genero di Alternative ta haciendo un comeback, aunke no den e manera cu e kier. T a p’esey ta trahando nan propio cosnan y skirbie di nobo. “Djis provide poco arte tambe y djis atribui na dje. Pone bo version, pone bo expresion. Bo no por gaña den dje y esey mi ta purba di haci,” Liam a bisa por ultimo.
