Diamars a tuma luga den un Cas di Cultura completamente yen, e concierto tan spera di Krosshart y Izaline Calister. For di trempan caba por a mira e rij largo di publico wardando e portanan habri pa nan por drenta y asina tambe, disfruta di e concierto.
Krosshart su album a sali luna pasa, pa cual Chris Kross ta sumamente contento di e oportunidad aki pa por toca nan canticanan. Esaki ta haci cu nan ta supero contento pa por haci esaki. Nan lo tin mas concierto cu mas artista y tambe lo tin mas grabacion.
Tambe Krosshart a indica cu e hecho cu tur dos anochi tabata sold out ta haci cu e anochi tabata uno super exitoso, a pesar di tur e chaos cu mundo ta bibando. Pero nan no a laga e contratemponan kita nan gana pa presenta esaki na e publico di Aruba.
Siegfried Hart, co-fundado di Krosshart y musico a bisa cu ni tur e fayonan cu nan tabata tin durante e anochi of e contratemponan no a stroba nan di haci e show un realidad.
Hopi hende a perde trabou y ta na cas, pero ta e frontlinernan ta esunnan cu ta na pia di trabou, ta laga famia na cas y ta bay enfrenta e virus tur dia.
Por ultimo, Hart a bisa cu e ta spera cu 2022 lo ta miho cu e dos ultimo añanan.
Cantante di nos isla ruman, residencia na Hulanda, Izaline Calister tabata tin e perseverancia pa cu e organisacion di e concierto. E manera cu ta bezig ta set-up ta na un manera profesional. Ta spera cu edad y spirito no kibra nan. Nan ta jong y cu hopi energia, y ta netamente hendenan asina mester cuidanan. No mester laga burocracia kibra nan spirito.
Segun e cantante, ta e hendenan jong aki ta esunnan cu ta bay subi Aruba su nivel artistico, hib’e na un otro nivel. E ta spera cu pronto e lo por ta bek na Aruba y cu Covid-19 lo duna e oportunidad di haci algo pronto.
