Un grupo di ciudadano di e comunidad Latino na Aruba a reuni dilanti di DIMAS cu un preocupacion basta formal. Nan ta pidiendo pa autoridad tuma rienda di e situacion di e departamento, mirando cu tin hopi permiso pega y nan no ta dunando atencion na e personanan cu ta pidi permiso.
Tabatin varios personahe di e comunidad cu a hiba palabra, haciendo denuncia publico, riba con empleadonan di DIMAS ta trata nan.Rhadi Khan ta un ex coordinado di minister Benny Sevinger y tabata na encargo cu DIMAS tempo cu Gabinete Mike Eman I y II tabata na poder, kende a hiba palabra e mainta aki.
E ta splica cu tin por lo menos 6 mil di 12 mil permiso cu ta procesa pa aña, cu ta atrasa. Esey ta nifica cu personanan cu ta renobando nan permiso ta keda varios luna, sin bisa aña, sin permiso, sin seguro, pero pagando tur luna belasting, pasobra esey si nan mester sigui paga, cual no ta husto.Tur loke cu e grupo di ciudadano aki kier ta un audiencia na DIMAS y tambe pa trata nan permiso pa asina tur cos cana manera mester ta.
