Cuerpo Policial Aruba (KPA) a tene su Siman di Polis, den cuadro di celebracion di su 37 aña di existencia, unda cu cada dia nan tabatin un evento diferente.
Diabierna nan tabatin nan ‘shooting competition n’e schietterein na Vaderpiet cu tabatin un bon acogida. E mainta aki, tur team tabata presente: Ditricto 1, cu ta Playa, Districto 2 cu ta Noord, Districto 3 cu ta San Nicolas, Districto 4 cu ta Santa Cruz y Districto 5 cu ta Bijzondere Diensten y tambe Districto 6 tabata t’ey cu ta Divisie Centrale Recherche y Divisie Algemene Recherche hunto. E competencia a cuminsa pa 9:00a.m. Elvin Zara, Inspecteur in Opleiding, a splica mas.
COMPETENCIA
Tocante e competencia, Zara a splica cu den cada team nan ta haya 60 tiro y cada tiro ta un punto. Ta depende di e tirador, cu si e logra dal e sticker, e puntuahe ta aumenta cu e number di schijf, depende di e number, e puntuacion tabata subi.
Sigur diabierna tabata muestra cu KPA tin hopi bon tirado y e coleganan tabatin e oportunidad di practica y mehora nan punteria. E ta win-win pa tur ekipo.
MAS ACTIVIDAD
E weekend aki ainda polis ta bay tin mas actividad:diasabra tin kickball riba veld di Flatstone combina cu algun wega amistoso. Nan ta cera diadomingo cu algun tremendo partido di softball. E ekiponan lo enfrenta otro pa asina saca e ganado general hunto cu algun partner cu lo join e polisnan pa hunga algun wega amistoso.
Por ultimo, Zara a haci apelacion n’e pueblo di Aruba pa baha bin den masa pa veld di Flatstone, bin apoya boso team preferi. Un biaha mas tur team lo competi cu otro y asina cera e Korpsweek cu broche di oro.
RESULTADO
Na prome luga a sali districto di Playa, na di dos luga districto di San Nicolas y di tres luga districto di Santa Cruz. E miho tirado: A.G. Villamizar di districto di Playa.
